Bizkartzako jaitsiera Erronkaribarko zailenetako eta aldapatsuenetako bat da. 750 metroko desnibelean "rock gardens", larreak, pinu arteko bidexka estuak etab. aurkituko dituzu, baita flow pixka bat ere! Zailtasun beltzeko jaitsiera honetaz gozatzeko, teknika bikainaz gain, motor ona ere beharko duzu, elektrikoa edo biriketakoa. Igoera Ansoko errepidetik Kalbeira mendiko leporaino (1570 metro) doa, eta oso aldapa gogorrak ditu, 7 kilometro % 11n bataz beste. Goian ikuspegi panoramikoak ikusgarriak dira. Jaitsiera arretaz gozatu ondoren, Gardera itzuliko gara Gardalar errekaren beste aldeko ertzetik.