Santa Barbara eta San Migel mendiek Urzainkiko udalerria ixten dute mendebaldetik, eta Ezka eta Binies ibaien arteko banalerroa osatzen dute. Ibilbidea San Migel gaineraino igotzen da Santa Barbarako pistatik, eta La Bocako bidexka estutik jaitsi. Lehenengo 1,5 kilometroak Erronkariko errepidetik egin ondoren —berotze on bat—, 700 metro inguruko desnibela gainditu behar da pistatik, ia atsedenik gabe. Goian bi kilometroko tarte bat dago paisaiaz gozatzeko, eta ondoren San Migelen iparraldetik behera hasten da. Landaren bordaren ondoan larreak utzi eta La Bocako jaitsiera zorabiagarria hasten da —5 kilometro zenbait tarte tekniko eta arriskutsurekin—, Salbatzailearen ermitaraino.