Ibilbideak ikuspegi panoramiko ikusgarriak ditu, eta igoera zein jaitsiera hein handi batean bidexketatik egiten da. Errazak direnez eta Txoromilokoak desnibel handia gainditzen duenez, XC ibilbidetzat jo daiteke. Uztarrozen Izabarako errepidea hartu behar da, berehala Amukun gora doan pistatik igotzeko. Gero, gorantz jarraitu behar da pista gero eta estuago batetik, azkenean bidexka bilakatzen dena, eta horri jarraitu GR 11rekin bat egin arte, Milingraten. GR tarte batean ibili ondoren, bideak bira egiten du Astegiako bidea hartzeko. Larreetan barna Lunora iritsiko gara, eta handik Uztarrozera, pagoen arteko jaitsiera azkar bat eginda.