Puntatxamarretik Erronkarirako jaitsiera ibarreko onenetako bat da. Bide maldatsua izan arren, 4 kilometro % 16 inguruan bataz beste, hasieran baino ez du zailtasun tekniko handirik. Tarte pikoen segida dela eta, bai Punta Barrenarako igoeran bai herrirako jaitsieran, lehertzeko moduko ibilbide laburra da. Ibilbideak San Juan auzotik abiatu eta Mendigatxa sakanetik igotzen den bidea hartzen du. Urzainkitik datorren 10. ibilbidearekin lotu ondoren, igoerak etenik gabe jarraitzen du La Corona tontorraren iparraldetik. Puntabarrenatik Puntatxamar aldera gandorretik joan behar da, eta gailurra baino lehentxeago jaitsierako bidexka azkarra hartu.