Aurrean duzun San Migel mendilerro malkartsua Gardeko paisaiaren funtsezko eremua da; izan ere, hegoaldetik Gardalar ibaiaren ibar sakona itxi eta herriari bere izaera menditsua ematen dio. Ibilbidea pistan gora igotzen hasten da mendilerroaren gainalderaino, gailurrik garaienetatik oso gertu dagoen lepo batetik igaroz. Banalerroa zeharkatu ondoren, behera egin behar da, hegoalderantz. Biratxenaren inguruan pista bidexka zaila bilakatzen da, zenbait tarte teknikorekin, eta, azkenean, Ezka ibaiko zubi berrira jaisten da oso tarte dibertigarri batetik. Handik, Gardera itzuliko gara errepidetik: lehenik NA-137 errepidetik Gardeko bidegurutzeraino, eta gero NA-176 errepidetik.